Irutxuloko Hitza

Antiguako txoko guztietara iristen dira Sanjoanak

JAIAK Gustora daude oso Antiguako jaietako antolatzaileek. Izan ere, bi motatako giro paregabea izaten ari baitira egunotan, jendearena zein eguraldiarena, alegia. Jaien alaitasuna auzoko txoko guztietara helarazteko hainbat ekimen ibiltari ezarri dituzte egitarauan. Horien artekoa da Goizuetako dantzariek, atzoko partez , Matian kalean barrena egindako erakustaldia. Jai batzordeak txoko guztietara iristeko duen grina bezain haundia da adin guztietako antiguatarrek ondo pasa dezaten duen gogoa. Asmo horrekin antolatu zuten Jose Maria Sert plazako Parke Erraldoia. Aurreko guztiari gehitu behar zaizkio, eguneko musika emanaldiak edo eguerdiko paella jate herrikoia. Festek asteartera arte izango dute segida. Gaurko egitarauan, besteak beste, Pilota eskolako finalak edota Txirain kultur elkartearen Kantujira aurki daitezke.