Irutxuloko Hitza

Koldo Ameztoy ipuin kontalaria DOKAn

Ipuin kontalaria

Hazparneko Koldo Ameztoy ipuin kontalaria DOKAn izango da gaur 20:00etan.

erredakzioa

Hamar urtetik gorako gazte eta helduentzako ikuskizuna eskainiko dute gaur Antiguako DOKAn Iparraldeko Koldo Ameztoi artistak Olabegia izeneko ikuskizun berezia aukeztuko du .

'Olabegia' ikuskizuna

Ibarxola baino gorago dagoen Olabegia etxera ez da inoiz herritarrik gerturatzen. Sasiek inguraturik eta hartuta daukate eraikin iluna. Bertan hiru anaia bizi dira: Ikazkina bata, meatzaria bestea eta arotza hirugarrena.

Euskarazko ipuinaren aldeko lan esanguratsua

Ameztoy publikoaren aurrean egotera ohituta dago aspalditik. Izan ere, bera izan zen hein handi batean ipuinaren berpiztea ahalbidetu zuen Euskal Herriko artistarik garrantzitsuenetakoa.

Mito eta kondairak musika eta kantuarekin bat

Euskal Herriko ipuin eta mito ugari kontatu ditu bere ikuskizunetan eta jendearekin harreman polita lortzen du bere emanaldietan. Bakarrik jardun ohi da baina maiz musikariekin elkarrekin prestatzeen ditu bere ikuskizunak.

Gaurko saioan ipuin eta kondairak, atzoko eta gaurko kontakizunak, kantua eta musika uztartuko ditu.

Koldo Ameztoyren Olabegia euskarazko ikuskizuna Donostiako Bagera Euskaltzaleen Elkarteak eta DOKAk berak programatu du. Arratsaldeko zortzietan hasiko da eta ez da haur txikientzako emanaldia izango, 10 urtetik gorakoentzat baizik.